Parfume origjinale VS Testera origjinale

visibility118 Views comment0 comments person Posted By: EM list In: Kuriozitete

Parfume origjinale VS Testera origjinale

Industria e aromave është e mbushur me kaq shumë legjenda dhe njohuri urbane saqë ndonjëherë është e vështirë të blesh pa pasur informacionin e saktë. Ne synojmë të zgjidhim disa nga dilemat që paraqesin dyshime dhe pyetje, me këshilla dhe sugjerime praktike.

Një nga pyetjet më të zakonshme dhe që ka ndezur diskutimet ka qenë për testerat. 

Ndërsa testerat po bëhen gjithnjë e më shumë një mundësi për të marrë diçka të kushtueshme me çmim më të lirë a ka rrezik për konsumatorët?  

Para së gjithash, le të përcaktojmë se çfarë është një tester. Testeri është, një shishe parfumi e krijuar për tu vendosur në dyqan në mënyrë që aroma e tij të provohet nga klientët. Testerat janë ose pa paketim ose me një kuti të bardhë (low-cost) që shërben për të ulur sa më shumë koston e prodhimit duke qenë se nuk jane prodhuar për shitje. 

Megjithëse kompanitë dërgojnë testera në dyqanet që shesin produktet e tyre, disa dyqane përfitojnë ulje nga blerja me vëllim të madh dhe mund të marrin ndonjë shishe të kthyer nga konsumatori, të heqin paketimin dhe më pas të vazhdojnë ta shesin atë online si një shishe tester. Me një çmim pak më të favorshëm.  I cili është në një farë mënyre, mall që nuk mund të shitet më si i ri pasi i mungon mbështjellësi i celofanit dhe është spërkatur. 

Kushdo që ka bërë xhiro në dyqane në qëndra të mëdha tregtare dhe të ngjashme ka vërejtur një element që është shumë karakteristik: dritat super të shndritshme.  Këto dyqane ndriçohen në një mënyrë që japin një inkandeshencë produkteve, duke nxjerrë në pah linjat e tyre luksoze dhe llakun e lëmuar, reflektimin e gotës, transparencën e lëngut.  Fatkeqësisht, kur parfumi qëndron për një kohë të gjatë nën dritat e një dyqani, ai ndryshon.  Rrezatimi ka potencialin të shkaktojë ndryshime në një aromë të lëngshme.  Prandaj testerat që janë në banak janë të ekspozuar ndaj atyre dritave të forta për muaj të tërë.

Padyshim që koha e kaluar nën dritat ndikon në një përkeqësim të molekulave të parfumit. 

Gjithashtu konsumatori mund të gjejë here pas here edhe ndryshime në aromë. Ka raste kur provon në dyqan një aromë dhe më pas kur sprucon në shtëpi parfumin e blerë ve re që aroma ndryshon. Kjo ndodh sepse testeri mund të jetë i një versioni të mëparshëm, ndërsa parfumi është riformuluar dhe natyrisht edhe aroma e tij.

Formula aktuale munt të riformulohet shumë herë, ndërsa shishja e provës në banak është e një version tjetër.  Ky lloj ndryshimi është për aromat që janë riformuluar për keq për sa i përket fortësisë dhe së kohëzgjatjes dhe rezulton në shumë kthime dhe ankesa.

Konkluzionet:

1. Testerat varet si qëllojnë, ndonëse kanë lëngun e njëjtë (nëse merrni testera origjinale) aroma mund të këtë ndryshuar. Në shumicën e rasteve për keq.

2. Nuk mund ti bëni dhuratë; e ç'dhuratë do ishte një parfum i hapur, pa paketim?

3. Harxhimi i një shumë të konsiderueshme kundrejt paqartësisë. 

Besoj se është e qartë, neve zgjedhim parfumet ORIGJINALE!

Leave a comment

Please note, comments must be approved before they are published
E diel E hënë E martë E mërkurë E enjte E premte E shtunë January February March April May June July August September October November December